Kaap o Kaap, o mooiste Kaap...

Van die 3de tot die 10de Junie is ek vir werk af Stellenbosch toe. Dit was nou vir jou 'n trip vol groot bederf. Ek het in 'n lieflike hotel gebly. Was daar vir opleiding - sou nie omgegee het as dit 'n week se vakansie was nie... Het tussendeur ook tyd gehad om saam met Arthur, Arnél, Vernon, Rika en Jeanette te kuier - dit was 'n bonus.

Die uitsig vanuit die lokaal waar ons opleiding ontvang het. Needless to say het dit soms maar moeilik gegaan om nie by die venster uit te staar nie. 'n Berg is mos 'n snaakse ding vir ons Vrystaters.Ek en Arnél. Hier is sy hoog-swanger. Dit was net 'n paar weke voor Nienke haar opwagting gemaak het. Nienke is intussen gebore en te pragtig. Baie geluk julle twee!

Ek en Arthur'n Mens kan ook darem nie net werk nie. Ons het besluit om die Woensdag "A tour of the Peninsula" te gaan doen i.p.v. opleiding. Hier is Sharon, Christo en ek by die V & A Waterfront, besig om 'n gat in hulle voorraad prawns te eet. Dit was lip-lek-lekker...Ek het eers die Sondagoggend teruggevlieg Bloemfontein toe en my groot vriend, Vernon, was so gaaf om my die Saterdagmiddag te kom haal. Ons het Simonstad en Vishoek toe gery en te heerlik gekuier - en die belangrikste is dat ek by die see 'n draai kon maak. Thanks Vernon, mag ek en jy nog BAAAIIIEEEE sulke toere onderneem...

Het nie 'n foto nie, maar het vir Rika ook die Saterdagaand in die Strand gesien. Dit was net voordat sy gevlieg het UK en VSA toe. Kon toe darem koebaai sê, al moes ek Kaap toe gaan om dit te doen... of hoe, Rix?!