Gariepfees 2006

Ek was die eerste naweek in September in Kimberley vir die Gariepfees. Dit was weereens baie goed aangebied en ek het dit baie geniet - al het Ghapi nie daar gespeel nie. Daar was darem 'n paar van my ander gunstelinge en ons het na shows van Navi Redd, Eden en Laurika Rauch gaan kyk. Ek en moeder het lekker rondgeloop tussen die stalletjies en ek en Rika het ook weer 'n kansie gekry om bietjie te kuier.

Pieter Smith, DNA-Strings en Navi Redd het Vrydagmiddag 17:00 'n show in die Kimberleyteater, genaamd 30 Jaar op die Kassie, gedoen. Dit was stunning en was basies 'n terugblik oor die afgelope 30 jaar se reekse, flieks en kinderprogramme (ja, Dawie die Kabouter, Wielie Walie en Gummy Bears ook) op SA televisie. Daar was enige iets van Die A-Team tot Koöperasiestories, 7de Laan en Friends.

Pieter Smith sing Haas Das se Nuuskas. Navi Redd in die Wielie Walie speelkamer - onthou julle nog: "Bytjie blaas en ons moet sing, Bennie, sal jy die storie bring..." Ons het lekker gelag vir die 5 uitgevrete manne en hulle blommegesiggies.DNA-strings stoei hier deur die tranerige Koöperasiestories tamalied. Hulle was bitterlik goed.Dit kan mos net 'n "scene" uit Vyfster wees. Hier verbeel Hanno van Navi Redd hom dat hy Skollie is. Go Hanno!

Ek en Rika het 21:00 'n Show van Laurika Rauch gaan kyk en ek was aangenaam verras. Sy het 'n hele klomp nuwe songs wat pragtig is. Dis nog nie opgeneem nie, maar sal beslis die cd aanskaf wanneer dit beskikbaar is. Na Laurika se show het ek en Rika oorgeloop Castletent toe waar die manne van Eden die tent aan die brand gesing en gedans het.

Eden