Volksbladfees 2006

Wat 'n fees! Van 11 - 16 Julie was dit weer Volksbladfees. Daar was puik produksies - ek wens ek kon nog meer shows kyk, maar soos dit is het ek reeds van Dinsdag tot Saterdag elke aand 'n produksie gekyk. Ek het Die Tafel (Komedie met Pedro Kruger & Marion Holm), Navi Redd (x2), die Trippel M- show (Maniese Mozart Mannewalis), die Huisgenoot 90-show, en Ons Loop Die Pad (Coenie de Villiers & Amanda Strydom) gaan kyk. Ek was in my element want ek het weer my sterre deurgesit in teaters...

Navi Redd @ Volksbladfees '06

Woensdagaand (ja, okay, EN Donderdagaand) het ek Navi Redd gaan kyk en soos gewoonlik het hulle 'n great show gehad. Ek het besluit om Donderdagaand weer die show te gaan kyk, want Woensdagaand was daar bietjie probleme met hulle klank ens. Ten spyte daarvan het hulle baie goed gedoen. Ek het net geweet dit kan beter - en het hulle my nou beïndruk Donderdagaand. Die laaste 6/7 songs was die hele gehoor op hulle voete en het almal saam boude geswaai en hande geklap. Die saal was 80% vol - wat amazing is as jy dink daardie was 'n ekstra vertoning waarvan die besprekings die vorige dag geopen het nadat hulle gehoor het die ander twee shows is uitverkoop. Ons het na die tyd weer bietjie met hulle gechat en 'n paar fotos geneem.

Ek en Dawie

Elrien en HannoSchalk, ek en HennieNee, Navi Redd se samestelling het nie verander nie!! Gilbert, een van my kollegas, het hulle musiek by my gehoor en was mal daaroor. Hy en twee van sy vriende het die show saam met my en Elrien gaan kyk en was verskriklik beïndruk. Ons kon nie hulle bekke stil kry na die show nie.

Huisgenoot 90 - Ghapi & Kie

Vrydagaand het ek en Henda die Huisgenoot 90 Show gaan kyk. Dit was, soos hulle dit genoem het, 'n gatswaai event. 'n Klomp verskillende kunstenaars het opgetree en natuurlik het Ghapi gewys dat hy nie net kan trom speel nie, maar ernstig kan jive ook. Hulle almal was great, maar Bianca Le Grange het my geweldig beïndruk. Dit is net my mening, maar ek dink sy kan vir Anke en Heinz onder die tafel insing.

V.l.n.r. Jolette Odendaal(voorheen van Cutt Glass), Bianca Le Grange en Emo Adams.
Ghapi & Suzaan
Ghapi in aksie - hier het hy Stoom, my favorite song van Amanda Strydom, gesing.
Ghapi, Bianca en Jolette
Almal v.l.n.r.:
Suzaan, Ghapi, Pedro Kruger, Bianca, Jolette en David Fourie. (Agter Ghapi is Bobby van Jaarsveld)

Coenie & Amanda @ Volksbladfees

Saterdagaand het ek 'n show van Amanda Strydom en Coenie de Villiers by die Sand du Plessisteater gaan kyk. Dit was hartverskeurend mooi. Moes maar elke nou en dan die traantjies wegvee.

Ek en Coenie
Ek en Amanda

Oolong Lounge

Teen die tyd weet julle al dat die Oolong Lounge een van my favorite restaurante in Bloemfontein is en ons klomp vriendinne van die werk het Donderdagaand weer so 'n bietjie ladies' night gehad en toe daar gaan eet. Die cocktails en kos daar is heeltemal te lekker...

V.l.n.r. Debbie, Ek, Selmé, Liana, Mathilda
Ons moes net keer of Liana het haarself oorgegee aan die cocktails!

Dubaianers

Desmond, my buddy van Dubai, en sy verloofde en moeks was verlede week hier in Bloemfontein. Ons sien mekaar basies een keer 'n jaar as hulle in die land is. Ons het bietjie gaan kuier die een aand. Dit was so lekker om hulle weer te sien. Hulle trou die 4de November hier in Bloemfontein en kom woon dan hier. Dis vir my sommer baie goeie nuus.

Desmond, Anel, ek en Des se ma in 2nd Avenue.

Ek en Desmond