DRIVE

Drive, Andries Botha se nuwe band, het Saterdagaand 'n gig in Wiesbaden gehad. Ons het bietjie die manne gaan ondersteun. Die band is uitstekend! Dit was so lekker om weer vir Andries te sien. Het hom in Oktober 2004 laas gesien toe hy nog saam met Philip vir Georgia gespeel het. Die verrassing van die aand was dat Paulo (van EDEN) ook in die band is - shoe, maar die man kan rock - die boy van die boyband was nêrens te vinde nie. Ons het tot die vroeë oggendure saam met hulle gekuier.

V.l.n.r. Henda, Andries, Lindie, Paulo en ek

Andries en Paulo
Paulo in aksie!

Andries en die baskitaarspeler - ek het sy naam sopas vergeet...

Reunie

Ek het 'n great naweek gehad. Vrydagaand het Emmy van Parys (Vrystaat) vir ons kom kuier en was ons klomp vriendinne weer vir die eerste keer van 2003 af 'n slag almal saam. Emmy het eintlik net kom "brag" met haar pragtige meisiekind, Lianel, en ons het natuurlik heerlik pop gespeel. Dit was 'n heerlike aand.

Agter: Lindie, Emmy en Elrien
Middel: Lianel
Voor: Ek en Henda
Inlas: Mandie - ja Mands, jy was ook daar - miskien nie in vlees nie, maar wel in gees! Ons het so baie van jou gepraat, jou ore moes getuit het.


Ek en Lianel 'n Trotse Mamma Emmy.

Cobus se gig

Cobus het Vrydagaand 'n gig gehad by 'n pub hier in Bloemfontein. Ons het hom bietjie gaan ondersteun en dit het regtig great gegaan. Die man het die kuierplek sommer aan die brand gesing. Ons het heerlik gekuier en gedans tot laat - baie laat. Hou bietjie duim vas vir hom - hy neem vandag 'n demo CD op.


Cobus in aksie.
Ons was so 'n paar van sy vriende wat saam gekuier het. Hier is Danie en sy verloofde.

Ek en Ferrie

Ek en Henda

Steve @ Sand du Plessis

My pa het Sondag verjaar en my geskenk vir hom was 'n show van Steve Hofmeyer in die Sand du Plessisteater. Het voordat ek 'n paar jaar gelede 'n show van hom by die KKNK gesien het nie veel tyd vir die man gehad nie, maar het my deuntjie verander toe ek agterkom wat hy eintlik vir musiek in SA beteken. Hierdie was ook 'n goeie show en ons het dit baie geniet. Eie aan Steve was daar slim kwinkslae en het hy driftig geraak oor Afrikaans en Afrikaner wees en die arme Anton Goosen het maar weer deurgeloop.


Steve tokkel die snare met sy medley van Neil Diamond songs.


Daar was met meeste van die songs hierdie 4 vioolspelende dames saam met hom op die verhoog. Dit het sy liedjies ongelooflik mooi ingekleur.

In aksie

Thabo het saam met Steve ook opgetree. My pa is mos 'n groot fan van Thabo, so dit was 'n bonus.

Nianell @ Sand du Plessis

Ek en Kobus het Vrydagaand 'n show van Nianell in die Sand du Plessisteater gaan kyk en ek was uiters beïndruk. Ek kan nie vir julle beskryf wat sy alles met haar stem kan aanvang nie. Dis amazing. Haar opening act was Thabo - het onlangs naam gemaak toe hy 'n song saam met Steve Hofmeyr opgeneem het - en my pa is mal oor die outjie se stem en in my mening gaan hy nog hoë hoogtes in die musiekbedryf bereik.

Ek, Nianell en Kobus

Thabo en Ek.

Sal ons ou vriende ooit vergeet...

Die afgelope twee weke was so great, want daar het 'n paar van my maters kom kuier wat ek eeue laas gesien het. Verlede naweek het Gabriël van Thabazimbe af vir ons kom kuier. Die res van die "gang" het almal opgetrek Bloemfontein toe en ons het die Saterdagaand heerlik gebraai en gekuier tot baie vroeg die volgende oggend.

Op die foto v.l.n.r. (agter) My boetie, Charles, Elsabé, Martin en (voor) Ek, Elizma en Gabriël.



Janharm was hierdie naweek hier in Bloemfontein - al die pad van Taiwan af. Rika en haar verloofde, James, het ook van Kimberley af deurgekom vir die kuier. Janharm is doodtevrede daar tussen die mense met die skrefiesoë en ek het my verstom aan alles wat hy te sê en te wys gehad het. Kobus, Henda, Jaffie, Melanie en Burger het ook tussenin saamgekuier, so daar was nie 'n einde aan die samesyn nie.

Janharm, Ek, Rika en James.

Ek en Rika.

Janharm (die Kok) het Saterdagaand vir ons kos gebou.