ElzanneWeb: June 2006

Ladies' Weekend

Ek, Henda en Elrien het besluit om die afgelope naweek so 'n bietjie saam te kuier. Hulle twee het toe by my kom bly. Ek was te pê Vrydagaand om uit te gaan, maar die twee het wel uitgegaan en Saterdagoggend 4uur in die huis ingesluip. Dit was 'n heerlike naweek en ons het die res van die naweek net rondgelê en gerus.

Hierdie foto is Saterdagoggend geneem toe ek hulle teen 10:30 uit die bed gejaag het met koffie. Soos julle kan sien was hulle maar half broos en weerloos.

Elrien en Henda - the morning after...

CD-opname - tralalalalalalala

Die SUT-revuegroep wat ek afrig het Donderdag en Vrydag ons show se CD opgeneem. Dit was lang ure en harde werk, maar ek voel heel positief.

Die cast van SHINE.
Hier is almal al baie moeg gesing, maar hulle het darem nog kans gesien om te glimlag vir die foto.

Blake en Dawie - die ouens wat die opname gedoen het.

Jump for Joy en We Will Rock You

Ek was van die 25ste tot die 28ste Mei in Jhb om "JUMP FOR JOY", die show wat Elton by UJ gechoreografeer het, te gaan kyk. O ja, baie geluk aan Elton, Marga en die cast - julle show was so stunning.

Ek kon natuurlik nie anders as om ook WEER We Will Rock You te gaan kyk nie. Ek het dit in Engeland gesien en ek moet sê dat die Suid-Afrikaanse cast baie trots kan wees op wat hulle reggekry het. Dit was uitstekend.

Mnr de Witt en sy vrou, tannie Erica, het ook na Elton se show gaan kyk en ons klomp Vrystaters het heerlik gekuier daar in Gauteng. Soos met enige kuier by Elton, is ons weer lekker bederf. Na 'n heerlike kuier Donderdagaand na die show by Marble Arch en Cats Pajamas in Mellville, het Elton en Joel ons Vrydagoggend, voordat die De Witts teruggery het Bloem toe, uitgevat vir ontbyt by die Westcliffhotel. Needless to say wou ek die res van die dag nie kos sien nie.

Ons almal by die Westcliff.

Ek en EltonSondag het my liewe neef, Ernst, en sy vrou, Reinette, my in Jhb kom haal sodat ek die dag saam met hulle kon spandeer voor ek teruggevlieg het Sondagaand. Hierdie foto is geneem toe ons Sondagmiddag by die botaniese tuine in Pretoria gaan eet het.

Monique was so gaaf om my te kom afsien by die lughawe Sondagaand.

Lekker mense

Ek het tydens my trippie na Gauteng sulke lovely mense ontmoet. Ons het elke aand na die show tot ounag gekuier en hulle het sommer diep in my hart gekruip. Hierdie fotos is Saterdagaand, na ons We Will Rock You gekyk het, geneem in Statement in Mellville. (Jammer Marga, ons het toe nooit fotos geneem toe jy saamgekuier het nie.)

Ek en Nicholas

Danit, Ek en Elton

Die klomp wat saam We Will Rock You gaan kyk het. Henda, Ferrie en Christo het Saterdag van Bloemfontein af deurgery vir die show. Ook op die foto is Monique, 'n vriendin wat ek verlede jaar in London ontmoet het. Sy woon en werk nou in Johannesburg.

v.l.n.r. Henda, Ferrie, Monique en Christo.

Balke toe!

Ek het die afgelope week besef jy kan Mandie Faure uit Suid-Afrika haal, maar nie vir Suid-Afrika uit Mandie Faure nie. Soos julle weet het sy en Pieter vir ons uit London kom kuier hier in Bloemfontein en ek het een aand 'n paar maters genooi vir ete. Ek was ewe onskuldig besig om kos te maak en toe ek weer sien is daar 'n volskaalse sokkie in my sitkamer aan die gang. Mandie was regtig uitgehonger vir dans!!

Hansie, Henda, Mandie en Kobus skoffel so bietjie.

Almal wat saam gekuier het: v.l.n.r. Hansie, Kobus, Henda, Mandie en ekke.

Henda is later deur 'n pienk serp (ingevoer vanuit London) en baie rooiwyn aangeval.

Mandie en Pieter in SA

Mandie en Pieter het 'n bietjie van Engeland af vir ons kom kuier hier in SA. Dit was so lekker om hulle hier te hê. Die tyd het net heeltemal te vinnig verby gegaan. Ons het sommer die eerste aand wat hulle hier was saam met hulle gaan uiteet en daarna 'n gig van Ddisselblom gaan kyk.

Na 'n jaar en 'n half was ons 4 vriendinne vir die eerste keer weer almal saam.
Agter: Mandie en Ek
Voor: Elrien en Henda

Ek en Pieter, die groot liefde in Mandie se lewe.Ek en Mandie.

Sporekrans

Ek was die naweek van die 12de tot die 14de Mei saam met Mnr. de Witt en die Mnr en Mej SUT-finaliste Oos-Vrystaat toe. Ons was by Sporekrans, 'n stunning staproete tussen Fouriesburg en Bethlehem. Die hut/chalet waarin ons gebly het is so reg in 'n woud met reuse bome en lieflike berge. Dit was goed vir die siel. Hier is net 'n paar fotos, maar dit begin nie eers om 'n idee te skep van hoe mooi en rustig dit eintlik daar is nie.

Ons chalet.

'n Bergstroom nie ver van waar ons gebly het nie.

Beautiful bruggie op die staproete in die woud.

Mnr De Witt, Ek en Brenda, mnr se sekretaresse van die afgelope honderd jaar - okay, seker nie heeltemal so lank nie, maar sy is al deel van die familie.

Elton se week in die Vrystaat

Soos die afgelope 11 jaar, het ons choregraaf en my groot buddy, Elton, weer die eerste week in Mei die SUT se show kom choreografeer hier in Bloem. Soos al die ander jare was dit 'n plesier en inspirasie om hom hier te hê en het ons tussen al die harde werk tog te lekker gekuier.

Die mees gevreesde deel van choreografie - "warm-up"!

Elton gee sy beste om die klomp te laat verstaan wat op die verhoog moet gebeur.

Die 2006 cast van SHINE - ons produksie se naam hierdie jaar.

Ek en Elton in die Oolong Lounge. Hulle het 'n KWV-promosie gehad - ek gaan niks verder sê nie...

Meester Gideon

Baie geluk aan my mater in PE, Gideon Brunsdon, wat sy Meestersgraad verwerf het.

Maselspoort

Toe die weer nog lekker was en 'n mens dit saans buite kon waag het ek, Henda, my boetie en Hansie besluit om een naweek bietjie Maselspoort (of Waterpokkiekloof soos Gideon dit noem) toe te gaan. Dit was 'n heerlike wegkomkansie en ons het luilekker verkeer. Boetiegoed het so lekker gesit en kitaar speel dat daar op die ou end vier ander chalets se mense ook by ons aangesluit het en ons tot vroeg die volgende oggend saam gesing en gekuier het.

Boeta en Hansie by die rivier