Revue"dankie-sê"-funksie, Donderdag, 24 Aug 2006

Mnr de Witt reël elke jaar 'n funksie by sy huis om vir almal wat agter die skerms gewerk het - en natuurlik vir die cast ook - dankie te sê vir hulle harde werk deur die jaar. Hierdie jaar se kuiertjie was weer heerlik en wat dit baie spesiaal gemaak het is dat Elton (vir die wat nou nog nie weet nie - hy is die afgelope 11 jaar ons choreograaf van JHB en my groot buddy) en Joel spesiaal Donderdag afgevlieg het om ons show te kom kyk. Gelukkig was hy baie beïndruk met wat ons op die planke gesit het.


Mense sê altyd jy stap 'n pad met iemand, maar ek dink ek en mnr de Witt het na 11 jaar nuwe betekenis aan dié woorde gegee, of hoe mnr? Dankie vir geleenthede, raad, vriendskap, histeriese lagsessies oor onnodige verrassings en sommer net alles wat mnr vir my en soveel ander mense beteken. Daar is sommige mense waarsonder die lewe maar vaal en vervelig sou wees en mnr is een van daai, hoor.

Ek en Jan de Witt.

Elton, Ek en Joel
Elrien, Elton en Elzanne

Daar is vreeslik baie dinge in my lewe waarvoor ek 'n groot dankbaarheid in my hart het en een van hulle is die feit dat ek en Daniel mekaar na al die jare weer langs die pad gevind het. Ek besef nou ons het mekaar nooit regtig verloor nie, ons was net albei vir 'n tyd lank op reis. Op nog jare se "samen zijn"...

Ek en Daniel

Revuekuier Woensdag, 23 Aug 2006

Oudergewoonte gaan kuier die revue mos maar so 'n bietjie na die eerste optrede. Ons het Woensdagaand na die show by die Spur aangedoen - en 'n helse haelstorm beleef. Almal het gesnol om hulle karre te red, maar volgens inligting was daar darem nie skade nie.

V.l.n.r. Lindi, Elrien, Henda en Eugene (Dankie dat jy ons op die laaste minuut uitgehelp het met die "follow-spot", Eugene - sonder jou sou ons 'n drastiese probleem gehad het)
Marileen, Tannie Erica(undercover), JR en Mnr de WittSurandi, Palesa en LindiRiaan, een van ons oud-lede het ons kom ondersteun en toe gaan saamkuier. Was goed om jou weer te sien! Maak weer so!!

LIGHTS ON!

Dis weer sulke tyd. Revue 2006 het Woensdag en Donderdag, 23 &24 Augustus, afgeskop. Dit het albei die aande baie goed gegaan met die shows en ek is trots op die klomp - al het hulle my vroeër die jaar onnodig laat stres, baklei en gil- hehehehehe. Baie geluk aan die cast - hulle het 'n goeie show gegooi.


Die promosiefoto het in die Bloemnuus/Ons Stad verskyn verlede week.
v.l.n.r. Attie, Kelebogile, Patricia & Sean

Have car, will travel...

UITEINDELIK! Elzanne het 'n kar gekoop.

Registrasienommer: DDY485FS (wat staan vir Donderdytjie - die mense wat my lank genoeg ken sal weet waaroor dit gaan, né!) Thanks Werries!
Vir die manne wat wil tegnies raak en my gaan stenig as ek nie die specs ook gee nie: Dit is 'n 2001 Polo Playa, 1.6, met powersteering, aircon, 'n volledige diensrekord en 110 000km op die klok en................ hy maak lekker gat skoon op die ooppad...

Happy Birthday ... 2 ME!!

Ek was vir die eerste keer in jare op die dag van my verjaarsdag by my ouers op die plaas en dit was so stunning. Dit is baie handig om 'n vakansiedag op jou verjaarsdag te hê - ek kan dit ten sterktste aanbeveel. Baie dankie aan almal wat gebel en/of gesms het. Ek het 'n baie spesiale dag gehad.

Ek was vroooooeeeeg die oggend al op en toe ek buite kom was die maan nog besig om onder te gaan en plek te maak vir die sonnetjie. Kyk hoe beautiful is dit.

My maan.

Veels geluk liewe maatjie - vers 2

Toe ek Sondagaand terugkom in Bloemfontein het al die maters hier ietsie saam met my kom drink vir my verjaarsdag. Dis heerlik om vyf dae na jou verjaarsdag nog steeds te verjaar.

Rassie, ek en Elrien Johan, Ek en Alna (hulle trou volgende jaar - geluk met die verlowing julle 2)
Eugene, Ek en Henda
Liana, Dulandi, Sydney en ekke

Die Newtons in Bloemfontein

Die Newtongesin is vir 'n paar weke in die land en hulle het die eerste week in Augustus weer 'n bietjie by ons in Bloemfontein kom kuier. Ons het die Vrydagaand 'n kuiertjie gereël by Kobus en Mathilda se huis. Al die ou vriende was daar en ons het so lekker gekuier dat dit amper gevoel het asof Richard, Gillian en Bailey nooit weg was nie.


Richard en Wayne
Die twee groot maatjies, Bailey en Helmien
Ek en Gillian
Ek en Richard

Al lê die berge nog so blou

Ek het die laaste week in Julie 'n bietjie in Clarens gaan kuier. Gillian-hulle, my vriende wat Desember België toe getrek het, was daar. Dit was great om hulle weer te sien - en die berge was 'n groot bonus. Bailey het so groot geword. Hy is nou 4 jaar oud en praat vlot Vlaams. Dis nogal amazing as jy dink dat hy 'n rou klein Engelsman was toe hulle hier weg is. Hy is nog steeds my hart se punt.

Bailey & Bailey
BergeEk kan mos nie 'n sonsondergang weerstaan nie...

Ek en Bailey